Granvin skyttarlag har gleda av å innby til årets Norgesmeisterskap i skogsløp med skyting – sprint og stafett torsdag 27. juli frå klokka 15.00.
Skytebana vår ligg 20 minutt frå LS-arenaen på Voss. Påmelding skjer på «Mitt DFS». Siste frist for påmelding er søndag 23/7.
Puljefordelinga vil seinast vera klar innan tysdag 25. juli. Påmeldingsavgifta er kr. 250,- for senior og veteran, og 150,- for rekrutteringsklassane. Påmeldingsavgift blir betalt ved frammøte.
Dersom det er mogleg å gjennomføra, vil me også gjennomføra ein sprint-stafett. Denne er for samlag, og det er ein eigen stafett for både kvinner (2 etappar) og menn (3 etappar). Påmelding til denne skjer under arrangementet.
Klasseinndelinga anna regelverk er i hht. Skyttarboka kapittel V1. Merk at det ikkje er klasse eldre junior i skogsløp. Utøvarar som er fødde i 2004 og 2005 deltek derfor i seniorklassane. Det blir arrangert løp for klasse NU, men denne klassen har ikkje NM-status.
Grovfelt-klassane skyt mot elektroniske skiver på 200 meter, medan finfelt skyt på elektroniske skiver på 100 meter. Det blir kort innskyting i forkant av kvar pulje. Meir informasjon finn de på nettsidene våre. Velkommen til Granvin!