Bertel Oddne Mjellem frå Hyen gjekk til topps på årets Olsokstemne med 390 poeng. Han vann på rangering føre Svein Kåre Furrre frå Leikanger. Mjellem vann også Sparebank-pokalen, som går til beste skyttar perioden 2002-2006.
Olsokskytinga vart vunne av Rolf Henning Hide frå Sundnes med 146 poeng.
På 100 m vann Elisabeth Skudalsnes frå Gaular klasse junior med 350 poeng, same poengsum hadde også Reidun Kristin Knapstad frå Eikefjord. Klasse rekrutt vart vunne av Lars Haugnes frå Florø, eldre rekrutt av Karoline Gram frå Førde.
I veteranklassane gjekk sigrane til Wilfred Kruger frå Sykkylven i V55, Peder Holme frå Hyen i V65 og delt førsteplass mellom John Løken frå Hilde og Brattvåg og Frits Norevik frå Vadheim i V73. Det deltok 183 skyttarar på Olsokstemnet.