Skyttarlaga Fjordane, Balestrand og Nesse, vil med dette få invitera skyttarar tilhøyrande Fjordane Krets til Landsdelskretsstemna i bane og felt i Balestrand, 14.-16. juni
Baneinformasjon
Innleiande feltskyting vert i Vetlefjorddalen, med Vetlefjorden Grendahus som oppmøtestad. 12 figurar på både grovfelt og finfelt. Grovfelt og finfelt går same feltløypa, og det vert lagt opp til at skyttarar frå same skyttarlag kan gå samla. I slutten på feltløype vert det Stangskyting på papp, og Felthurtigskyting på sjølvanvisarar. Det vert også laga til eit eige Stangopplegg for .22 skyttarar. Feltløypa tek omlag 3timar.
Skyteprogram
Det vert høve til innskyting på Lesjaskive 100m i starten på feltløypa. 30 skot innleiande skyting for alle klassar. 12 skot meisterskapsomgang for Klasse 2-5,V55, EJ, R,ER,J, V65 og V73 Meisterskapsomgangen vert i Esebotn søndag 16.juni. Klasse KIK skyt vanleg grovfeltprogram uten meisterskapsomgang.
Gjenstandspremiar på innleiande 30-skot.
Medaljer og stjerner etter DFS regelverk og kretsen sine statuttar.
Veibeskrivelse
Oppmøte i Vetlefjorden Grendahus. Følg FV613 frå Dragsvik, eller over Gaularfjellet. Avkøyring til oppmøtestad vert skilta. Koordinat til Grendahuset: N61.3227° - Ø6.5722°
Det er 22km mellom feltområdet og Esebotn skytebane. Rekne med 30min køyretid.
Diverse
Det vert høve til skyttarlagvis førehandspåmelding for dei skyttarane som skal delta på både bane og felt. E-post med skyttar-id vert å senda til fjordane@skytterlag.no. Førehandspåmeldinga må vera arrangør i hende innan 19.mai.
Det vert kiosksal i både Vetlefjorden Grendahus og Esebotn skytebane.